#kunlik_ish_reja_ijrosi
#deputat_faoliyati
#kotibiyat_xodimi_faoliyati
#24_ta_masala

Mahallada uyma-uy yurilib, aholi murojaatlari o‘rganildi

Xalq deputatlari Bandixon tuman Kengashining 11-"Bag'rikeng" saylov okrugi deputati J. Abdinazarov hamda tuman Kengashi kotibiyati bosh mutaxassisi E. Eshonqulov tomonidan "Bag'rikeng" mahallasida deputatlik nazorati doirasida navbatdagi uyma-uy o‘rganish tadbirlari tashkil etildi.

Mazkur o‘rganishlar mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24 ta tavsiya asosida amalga oshirildi. Tadbirning asosiy maqsadi fuqarolarning muammolarini bevosita yashash joylarida o‘rganish, ularning fikr va takliflarini tinglash hamda mavjud masalalarga amaliy yechim topishga ko‘maklashishdan iborat bo‘ldi.

Uyma-uy yurish davomida xonadonlarning ijtimoiy-iqtisodiy holati, aholi bandligini ta'minlash, tomorqa yerlaridan samarali foydalanish, tadbirkorlik faoliyatini rivojlantirish imkoniyatlari, ijtimoiy himoyaga muhtoj oilalarning yashash sharoitlari batafsil o‘rganildi.

Shuningdek, fuqarolar bilan muloqot jarayonida ichimlik suvi ta'minoti, elektr energiyasi, yo‘l infratuzilmasi, obodonlashtirish va kommunal xizmatlar sifati bilan bog‘liq masalalar yuzasidan murojaatlar tinglandi. Mahallada olib borilayotgan bunyodkorlik va obodonlashtirish ishlari yuzasidan ham aholi fikr-mulohazalari o‘rganilib, bildirilgan takliflar tegishli tartibda qayd etildi.

O‘rganish davomida aniqlangan muammolarni hal etish bo‘yicha mas'ul tashkilotlarga tegishli taklif va tavsiyalar kiritish, ijrosini deputatlik nazorati doirasida monitoring qilib borish belgilab olindi.

Aholi bilan ochiq muloqot qilish, ularning murojaatlarini joyiga chiqib o‘rganish va mavjud muammolarga o‘z vaqtida yechim topish deputatlik faoliyatining muhim yo‘nalishlaridan biri bo‘lib, bu kabi uchrashuvlar kelgusida ham izchil davom ettiriladi.