Xalq deputatlari Angor tumani Kengashi deputati, 11-Navro‘z saylov okrugi deputati To‘rayev Norquvvot tomonidan hududdagi xotin-qizlar bilan ishlash faoliyati o‘rganildi.

O‘rganish davomida xotin-qizlarning murojaatlari, ularning muammolarini aniqlash va hal etish borasida amalga oshirilayotgan ishlar tahlil qilindi. Shuningdek, murojaatlarning o‘z vaqtida ko‘rib chiqilishi, har bir masalaga individual yondashish hamda amaliy yordam ko‘rsatish holatiga alohida e’tibor qaratildi.

Deputat tomonidan xotin-qizlar murojaatlarini e’tiborsiz qoldirmaslik, mavjud muammolarni tegishli tashkilotlar bilan hamkorlikda bartaraf etish va murojaatlarning ijrosini nazoratga olish yuzasidan tegishli tavsiyalar berildi.

Xotin-qizlarning manfaatlarini himoya qilish, ularning muammolarini tinglash va o‘z vaqtida amaliy ko‘mak ko‘rsatish deputatlik nazoratining muhim yo‘nalishlaridan biridir.