🩺 AHOLIGA O‘Z VAQTIDA VA SIFATLI TIBBIY YORDAM KO‘RSATILISHI TO’G’RISIDA
Xalq deputatlari tuman Kengashi deputati G.Keldibekova tomonidan Uyluqma qishloq vrachlik punktida 24 ta muhim yo‘nalish doirasida aholiga o‘z vaqtida va sifatli tibbiy xizmat ko‘rsatilishi holati yuzasidan nazorat-tahlil tadbirlari o‘tkazildi.
O‘rganishlar davomida aholiga birlamchi tibbiy yordam ko‘rsatish sifati, dori-darmon ta’minoti, profilaktik tibbiy ko‘riklarning o‘tkazilishi, onalar va bolalar salomatligini muhofaza qilish, surunkali kasalliklarga chalingan fuqarolarni dispanser nazoratiga olish hamda tez tibbiy yordam xizmatining samaradorligi tahlil qilindi.
Deputatlik nazoratining asosiy maqsadi — har bir fuqaroning malakali, o‘z vaqtida va sifatli tibbiy xizmat olish huquqini ta’minlash, sohadagi muammolarni barvaqt aniqlash hamda ularning amaliy yechimini ta’minlashdan iborat.