Xalq deputatlari Angor tumani Kengashi deputati, 11-Navro‘z saylov okrugi deputati To‘rayev Norquvvot tomonidan hududdagi yoshlar yetakchisining faoliyati o‘rganildi.

O‘rganish davomida yoshlar bilan ishlash, ularning muammolarini aniqlash va mavjud muammolarni manzilli hal etish borasida amalga oshirilayotgan ishlar tahlil qilindi. Shuningdek, yoshlar bilan 19 ta uchrashuv o‘tkazilgani, uchrashuvlar davomida bildirilgan murojaat va takliflar asosida 15 ta muammo ijobiy hal etilgani qayd etildi.

Deputat tomonidan yoshlarning bo‘sh vaqtini mazmunli tashkil etish, ularni kasb-hunarga yo‘naltirish, bandligini ta’minlash hamda tashabbuslarini qo‘llab-quvvatlash borasidagi ishlarni yanada kuchaytirish yuzasidan tegishli tavsiyalar berildi.

Yoshlar bilan ochiq muloqot qilish, ularning muammolarini o‘z vaqtida aniqlash va amaliy yechim topish — deputatlik nazoratining muhim yo‘nalishlaridan biri sifatida belgilandi.