Avval xabar berganimizdek, “G‘ayrat” MFY hududida keng ko‘lamli obodonlashtirish va infratuzilmani yaxshilash ishlari bosqichma-bosqich amalga oshirilmoqda.

Bugungi kunda kommunal soha mutaxassislari tomonidan 34–36-sonli ko‘p qavatli uylarning elektr, gaz hamda internet tarmoqlari o‘rganilib, aniqlangan kamchiliklar bartaraf etilmoqda. Shuningdek, tartibsiz va noo‘rin joylashgan tarmoqlar markazlashtirilib, xavfsiz hamda tartibli holatga keltirilmoqda.

Hududda do‘mliklar tekislanib, yashil maydonlarni barpo etish maqsadida beton bordyurlar quyilmoqda. Obodonlashtirish ishlari doirasida archa, rayhon va turli manzarali gul ko‘chatlari ekilib, mahalla yanada fayzli va ko‘rkam qiyofa kasb etmoqda.

Avvalgi lavhamiz: https://t.me/Andijon_shahar_kengashi/2386?single