Sessiyamiz ishida Mirobod tuman hokimining o‘rinbosarlari, N.Talipov va F.Najmiddinov, tuman hokimligi tashkiliy-kadrlar guruhi rahbari v.b. U.Suyunov, Toshkent shahar Mirobod tumani “Inson” ijtimoiy xizmatlar markazi rahbari, Mirobod tuman Iqtisodiyot va moliya bo‘lim boshlig‘i, shuningdek, mutassadi rahbarlar va mas’ul xodimlari ishtirok etdilar.

Sessiya ishida O‘zbekiston Respublikasi Prezidentining “O‘zbekiston Respublikasining ijtimoiy va ishlab chiqarish infratuzilmasini rivojlantirish dasturi hamda boshqa davlat dasturlari ijrosi ustidan nazoratni kuchaytirishga doir qo‘shimcha chora-tadbirlar to‘g‘risida”gi 2021-yil 10-dekabrdagi PQ-43-sonli qaroriga muvofiq, Mirobod tumanida 2025-yilda ijtimoiy soha obyektlariga investitsiya dasturi asosida taklif kiritish to‘g‘risida, Mirobod tumani “Fayziobod” va “Oq uy” MFY hududida obodonlashtirish, ichki yo’llarni ta’mirlash ishlariga mablag‘ o‘naltirilishi to‘g‘risida, Mirobod tumani mahalliy byudjetining 2024-yil 1-chorak byudjet daromadlari bazasini oshirish bo‘yicha amalga oshirilgan ishlar natijadorligi to‘g‘risida, Mirobod tumani mahalliy byudjetining 2024-yilda shakllangan qo‘shimcha manbalarini xarajatlarga yo‘naltirish to‘g‘risida, Mirobod tumani hokimligi qoshida ochilgan “Fuqarolar tashabbusi jamg‘armasi” mablag‘larini 2024-yil 1-chorak yakuni bo‘yicha ishlatilishi to‘g‘risida, Mirobod tumani bo‘yicha tashabbusli budjet jarayonining 2024-yil birinchi mavsumida “Ochiq byudjet” axborot portali orqali ovoz berish jarayoni yakunlariga ko‘ra g‘olib deb topilgan jamoatchilik fikri asosida shakllangan tadbirlarni “Fuqarolar tashabbusli jamg‘armasi” mablag‘lari hisobidan moliyalashtirish bo‘yicha manzilli ro‘yxatni tasdiqlash va mablag‘lar yo‘naltirish to‘g‘risida, Xalq deputatlari Mirobod tuman Kengashining 2023 yil 29 dekabrdagi “2024 yil uchun Mirobod tuman mahalliy byudjetini tasdiqlash to‘g‘risida”gi II-95-282-14-199-K/23-sonli qarorining 5-bandi, 2-xatboshisiga o‘zgartirish kiritish to‘g‘risida, Mirobod tumanida Oilaviy tadbirkorlikni rivojlantirish dasturi asosida ajratilgan kreditlar samaradorligini ta’minlash borasida 2024-yilning 1-chorak yakuni bo‘yicha amalga oshirilayotgan ishlar to‘g‘risida va Mirobod tumani ijro etuvchi hokimiyat tuzilmasini tasdiqlash to‘g‘risidagi hisobotlar eshitib chiqildi.

Shuningdek, 2023-yilda turli sohalarda erishilgan natijalar va 2024-yil uchun rejalarga oid mas’ullarning hisobotlari tinglandi va muhokama qilindi.

Sessiya yakunida kun tartibida muhokama qilingan masalalar yuzasidan tegishli qarorlar qabul qilindi.