Koson tuman 2-kasb-hunar maktabida o'tkazlgan tadbirda, Xalq deputatlari Koson tuman Kengashi kotibiyat mudiri X.Sattorova, O‘zbekiston Ekologik partiyasi Koson tuman kengashi raisi A.O‘rinov, Respublika Ma’naviyat va ma’rifat markazi Koson tuman bo‘linmasi raxbari E.Xolmurodov, tuman targ'ibot guruhi rahbari B.Qobilovalar yoshlar ishtirokida 2024 yil “Yoshlar va biznesini qo‘llab quvvatlash yili” munosabati bilan “Yangi O‘zbekiston yoshlari” loyihasi doirasida “Yosh liderlar Ekopartiyani tanlaydi” mavzusida tadbir tashkil qilindi.

Tadbirda yoshlarga “Ekologik partiya”ning muhim yo‘nalishlari, mamlakatimizda atrof muhitni holatini yaxshilash va ekologik muammolarni yaxlit holda hal etishga qaratilgan chora-tadbirlarni amalga oshirish, ekologiya va sog‘liqni saqlash sohasidagi milliy qonunchilikni takomillashtirish, mamlakatda "yashil iqtisodiyot"ga o‘tishga ko‘maklashish, atrof-muhit va fuqarolar sog‘lig‘ini muhofaza qilish to‘g‘risida hamda partiyaning maqsad va vazifalari to‘g‘risida tushunchalar berildi.

Mamlakatimizning ekologik xavfsizligiga erishish, gozirgi va kelajak avlod uchun qulay atrof muhitni yaratish maqsadida yoshlarimizga Ekopartiyani tanlashlarini va partiyaga a’zo bo‘lishlariga takliflar berildi.