Жойларда аҳоли муаммоларини ўрганиш, уларни ўз вақтида жойида ҳал қилиш юзасидан сайёр қабуллар ўтказилмоқда. Хусусан, 14-Навработ сайлов округидан сайланган туман Кенгаши депутати Нодирбек Сувонов округидаги “Қаровул” маҳалла фуқаролар йиғинига ташриф буюриб, аҳолини қийнаётган муаммоларни тинглади.

Қабулда фуқаролар томонидан “Қаровул” МФЙ фаоллари Н.Ўринов ва Ш.Аслоновлар томонидан қишлоқ ички йўлларни шағаллаштириш, аҳоли учун ҳудудга “Банкомат” ўрнатиш, томарқа ерларини суғориш суви муаммоси қийнаб келаётганлиги масалалари кўтарилди. Депутат шу куннинг ўзидаёқ ўз ҳомийлиги асосида Қаровул қишлоғининг 350 метр масофасига ҳамда “Мустақиллик” МФЙ Бодомзор қишлоғи ички кўча йўлларига шағал ётқизилди . 

Депутат юқоридаги қолган масалалар юзасидан туман тегишли корхона ва ташкилот мутассаддиларига депутат сўрови юборилишини билдириб, натижаси бўйича фуқароларга маълум қилинишини тушунтирди. 

Сайёр қабулда сўнг депутат ўзи таълим олган “Мустақиллик” маҳалласи ҳудудидаги янгидан қуриб фойдаланишга топширилган 30-сон Давлат мактабгача таълим ташкилоти фаолияти билан танишиб, болажонларга яратилган шароитлар ва қулайликлардан мамнун бўлди.