«Konstitusiya bilimdoni»
ko‘rik-tanlovining Farg‘ona tuman bosqichi bo‘lib o‘tdi 

Qayerdaki, qonun
ustivor bo‘lsa yerda adolat xukmron bo‘ladi. Qonun ustivorligi uchun esa har
birimizni o‘zimiz yashab turgan davlat qonunlari, kerak bo‘lsa xalqaro huquqiy me’yorlarni
chuqur anglamog‘imiz va hayotimizga tadbiq etmog‘imiz zarur. 

Yangi tahrirdagi
Konstitusiya esa xalqimizni chinakkam ma’noda erki-saodati va vatan ravnaqi
yo‘lida xizmat qilishiga barchamiz
qalban iqrormiz.  

"Adolat"
SDP Farg‘ona tuman Kengashi tomonidan
partiyaning “Vatan kelajagi yoshlar qo‘lida” loyihasi doirasida “Konstitusiya
bilimdoni” ko‘rik-tanlovining tuman bosqichi “Farg‘ona tuman
ixtisoslashtirilgan maktabi”da yuqori saviyada tashkil etildi.  

 Ishtirokchilar yangi tahrirdagi
konstitusiyani mukammal o‘rganganliklarini va “Adolat” SDP saylovoldi dasturi va maqsad g‘oyalari haqida yetarlicha
bilimga ega ekanlarini namoyon etdilar.  

Tuman bosqichi
g‘oliblari partiyaning diplom va esdalik sovg‘alari bilan taqdirlandilar.
Gʻoliblar viloyat bosqichida o‘z tengdoshlari bilan bellashadilar.  

Ko‘rik-tanlovda
ishtirok etgan O‘zbekiston “Adolat” SDP tuman Kengashi deputatlari
O.Dadajonova, F.Mirzayevlar ko‘rik-tanlovni tashkil etishda faol ishtirok etgan
ta’lim dargohi ma’muriyatiga minnatdorchilik bildirdilar.