Ўрганиш жараёнида 11-12 ноябрь кунлари 4-умумтаълим мактабида мактабнинг ишчи ходимлари томонидан ободонлаштириш ва қишга тайёргарлик ишлари ташкил қилинганлиги аниқланди. Мактаб ховлисидаги боғдаги дарахтлар буталанган ва оқлаш ишлари ўтказилган. 300 га яқин мевали ва манзарали кўчатлар экилган. 200 дан ортиқ қаламчалар ерга қадалган. Кўчат экиш ва қаламча қадаш ишлари давом этмоқда. Хусниддин Суяров хотирасига бағишлаб ташкил қилинган хиёбонга арча ва гуллар экилганлиги аниқланди.

Мактабда 5 та кўмирга мўлжалланган иситиш печлари қурилган, аммо фирма томонидан ишлар якунига етказилмаган. Иситилган сув трубалари махсус ўраш матолари билан ўралган. 15 тонна кўмирни қор ва ёмғирдан сақлаш хонаси қуриб битказилган. Мактабдаги мавжуд дераза ромлари салафанлар билан қопланган. Ободонлаштириш ва кўкаламзорлаштириш ишларини давом эттириш бўйича ишчи гуруҳ томонидан таклифлар берилди.