Dehqonobodtumanida aholi muammolarini joyida hal etish, murojaatlarga quloq tutish va ularni tezkor ko‘rib chiqish maqsadida navbatdagi ommaviy qabul bo‘lib o‘tdi. Tuman istirohat bog‘ida tashkil etilgan mazkur tadbirda Xalq deputatlari tuman Kengashi
raisi, tuman hokimi Sherzod Shokirov boshchiligida tegishli tashkilot va idoralarning rahbarlari hamda mutasaddilari ishtirok etdi. 

Qabul davomida fuqarolar tomonidan turli yo‘nalishlarda — ijtimoiy-iqtisodiy muammolar, uy-joy, yer ajratish, bandlik, sog‘liqni saqlash, ta’lim va boshqa masalalar yuzasidan ko‘plab murojaatlar bildirildi. Xalq deputatlari tuman Kengashi raisi, tuman hokimi har bir murojaatni diqqat bilan tinglab, muammolarni joyida o‘rganish va hal etish uchun tegishli rahbarlarga aniq topshiriqlar berdi.