Mingbuloqda sayyor qabul

✔️Uchquduq tumani hokimi, xalq deputatlari tuman Kengashi raisi Uchkun Yelmuratov boshchiligida tuman ishchi guruhi tomonidan Mingbuloq aholisi bilan bevosita muloqot uyushtirildi. Mingbuloq ovuli tuman markazidan uzoqda joylashganligi tufayli bunday sayyor qabullar mahalliy aholining ijtimoiy muammolarini hal etishda katta ahamiyatga ega.

🚛Qabul davomida sog‘liqni saqlash, ta’lim, uy-joy, isitish tizimi va moddiy yordamga oid murojaatlar tinglandi. Shuningdek, ish so‘rab qilingan murojaatlar ham ko‘rib chiqildi.

✔️Sayyor qabul jarayonida bildirilgan taklif va aniqlangan muammolar bo‘yicha mas’ullarga tegishli topshiriqlar berildi. Aholi tomonidan ovulda ijtimoiy dorixona tashkil etish yuzasidan bildirilgan taklif ma’qullanib, 2025-yil yanvar oyidan mingbuloqliklar uchun "Ijtimoiy dorixona" faoliyati yo‘lga qo‘yilishi belgilab olindi va tez tibbiy yordam mashinasi qayta ta’mirlanadigan bo‘ldi.