Tuman Kengashi raisi va kotibiyat mudiri saylovchilar bilan uchrashuv oʻtkazdi 

Aholi muammolarini joyida oʻrganish va ularga tezkor yechim topish maqsadida xalq bilan toʻgʻridan-toʻgʻri muloqotlar izchil davom ettirilmoqda.
Xususan, tuman Kengashi raisi A.Zikiryayev hamda kotibiyat mudiri B.Amanovlar saylovchilar bilan uchrashuv oʻtkazdilar. Ochiq muloqot tarzida oʻtgan uchrashuvda asosan kommunal soha hamda ichki yoʻllarni taʼmirlashga oid murojaat va muammolar tinglandi.
Fuqarolar tomonidan koʻtarilgan har bir masala atroflicha tahlil qilinib, ularni qisqa muddatlarda hal etish choralarini koʻrish uchun ijrosi boʻyicha tegishli tashkilot va idoralarga yoʻnaltirildi hamda nazoratga olindi.