O‘zbekiston Ekologik partiyasidan saylangan Xalq deputatlari Zafarobod tumani Kengashining 5-«Yangiqishloq» saylov okrugi deputati U. Dustova Uzun mahallasidagi 10-sonli umumiy o‘rta ta’lim maktabida o‘tkazilgan ota-onalar yig‘ilishida ishtirok etdi.
Uchrashuv davomida maktabni tamomlagan yoshlar va ularning ota-onalari bilan suhbat o‘tkazilib, yoshlar bandligini ta’minlash masalasiga alohida e’tibor qaratildi.
Suhbat jarayonida yoshlarning kasb-hunar egallashi, ishga joylashishi, mavjud bo‘sh ish o‘rinlaridan foydalanishi hamda kelgusida o‘z faoliyatini yo‘lga qo‘yishi bo‘yicha fikr va takliflari o‘rganildi.
Deputat yoshlarni qo‘llab-quvvatlash, ularning bandligini ta’minlash va muammolarini o‘rganish bo‘yicha mas’ullar bilan hamkorlikda tegishli ishlarni kuchaytirish zarurligini ta’kidladi.
Yoshlarning bandligi — oilalar farovonligi va jamiyat taraqqiyotining muhim omilidir.