DEPUTAT FAOLIYATI: 

Xalq deputatlari Jarqo'rg'on tuman Kengashiga 4-"Paxtaobod" saylov okrugidan saylangan deputat Z.Ahmedova boshchiligida hamda tuman Kengashi kotibiyat hodimi va tuman hokimligi vakillari ishtirokida tumanda Davlat tili qonun-qoidalariga rioya qilish bo‘yicha Jarqo‘rg‘on tumanida o‘rganish o‘tkazildi

O‘zbekiston Respublikasi Prezidentining 2019 yi 21 oktabrdagi "O‘zbek tilining davlat tili sifatidagi nufuzi va mavqeyini tubdan oshirish chora-tadbirlari to‘g‘risida"gi PF-5850-sonli Farmoni ijrosi yuzasidan, rasmiy hujjatlar va tashqi yozuvlarning to‘g‘ri yuritilishini nazorat qilish maqsadida Jarqo‘rg‘on tumanida tadbir tashkil etildi.

Xususan, reklama va peshlavhalarda imlo qoidalariga rioya etilishi, rasmiy hujjatlar davlat tilida to‘g‘ri yuritilishi hamda til madaniyatini oshirish yo‘nalishlarida amalga oshirilishi lozim bo‘lgan ishlar belgilab olindi.

Tadbir davomida davlat tili maqomini mustahkamlash va uning nufuzini oshirish bo‘yicha qator tavsiyalar ishlab chiqildi.

 Shuningdek, tashkilot va muassasalarga o‘z faoliyatida davlat tilidan to‘g‘ri foydalanish bo‘yicha uslubiy ko‘rsatmalar berib o‘tildi.

✍️ Xalq deputatlari Jarqo‘rg‘on tumani Kengashi