Mazkur o‘rganish Kengash deputati faoliyatining eng muhim yo‘nalishlari bo‘yicha kunlik ish rejasining 4-bandi ijrosi doirasida tashkil etildi.
O‘rganish jarayonida aholi daromadlarini oshirish, kam ta’minlangan va ishsiz fuqarolarni doimiy daromad manbalariga yo‘naltirish, yangi ish o‘rinlari yaratish hamda tadbirkorlik tashabbuslarini qo‘llab-quvvatlash borasida amalga oshirilayotgan ishlar ko‘rib chiqildi.
Shuningdek, fuqarolarning bandligini ta’minlash, ularni kasb-hunarga yo‘naltirish, mavjud imkoniyatlardan samarali foydalanish hamda “Aholi bandligi to‘g‘risida”gi Qonun (O‘RQ–642, 2020-yil 20-oktabr) talablarining ijrosi yuzasidan olib borilayotgan ishlar tahlil qilindi.
Mahallada iqtisodiy faollikni oshirish, aholini tadbirkorlikka jalb etish va oilalarning barqaror daromadga ega bo‘lishiga ko‘maklashish masalalariga ham alohida e’tibor qaratildi.
O‘rganish yakunida bandlikni ta’minlash va kambag‘allikni qisqartirish bo‘yicha ishlarni yanada jadallashtirish, mavjud imkoniyatlardan samarali foydalanish hamda hokim yordamchisi faoliyatining natijadorligini oshirish yuzasidan tegishli tavsiya va takliflar belgilab olindi.