Mazkur monitoring Kengash deputati faoliyatining eng muhim yo‘nalishlari bo‘yicha kunlik ish rejasining 6-bandi ijrosini ta’minlash doirasida tashkil etildi.
️O‘rganish davomida xotin-qizlarni har tomonlama qo‘llab-quvvatlash, ularning murojaat va muammolarini o‘z vaqtida aniqlash, mavjud masalalarni hal etish bo‘yicha ko‘rilayotgan choralar hamda oilalarda sog‘lom ma’naviy-ijtimoiy muhitni shakllantirish borasidagi ishlar tahlil qilindi.
️Shuningdek, “Xotin-qizlarni tazyiq va zo‘ravonlikdan himoya qilish to‘g‘risida”gi Qonun (O‘RQ–561, 2019-yil 2-sentabr) talablarining mahalla hududida bajarilishi, tazyiq va zo‘ravonlikning oldini olishga qaratilgan profilaktik ishlarning tashkil etilishiga alohida e’tibor qaratildi.
Xotin-qizlarning huquqiy savodxonligini oshirish, ularning huquq va qonuniy manfaatlarini himoya qilish, muammoli oilalar bilan manzilli ishlash hamda zarur hollarda tegishli tashkilotlar bilan hamkorlikni kuchaytirish masalalari ham ko‘rib chiqildi.
️Monitoring yakunlari bo‘yicha xotin-qizlar bilan ishlash samaradorligini oshirish, profilaktik va targ‘ibot tadbirlarini yanada kuchaytirish, qonun talablarining ijrosini ta’minlash hamda ayollarning huquq va manfaatlarini ishonchli himoya qilish yuzasidan tegishli tavsiya va takliflar belgilab olindi.