Sessiya ishida tuman Kengashiga saylangan deputatlar, tuman hokimining o‘rinbosarlari, xalq deputatlari tuman Kengashi kotibiyati xodimlari shuningdek, tumandagi tegishli bo‘lim va tashkilot rahbarlari hamda ommaviy axborot vositalari vakillari ishtirok etdilar.

Sessiyaga Xalq deputatlari tuman Kengashi deputati Abduvoxid Turdiboyev raislik qildi.

Sessiya ishida kun tartibiga kiritilgan quyidagi masalalar ko‘rib chiqildi.

1. 2025-yilda Chinoz tumanini kompleks ijtimoiy-iqtisodiy rivojlantirish dasturini tasdiqlash to‘g‘risida.

2. Tumanda 2025-yilda aholi bandligini ta’minlash va kambag‘allikdan chiqarish bo‘yicha maqsadli ko‘rsatkichlarni ko‘rib chiqish va tasdiqlash to‘g‘risida.

3. Tumanda 2025-yilda “Kambag‘allikdan farovonlik sari” dasturi doirasida tanlangan mahallalarda tomorqa yerlarini sug‘orishni yaxshilash bo‘yicha dasturga kiritilgan takliflarni ko‘rib chiqish va ma’qullash haqida.

4. Xalq deputatlari Chinoz tumani Kengashi deputatlari tomonidan saylovchilar bilan uchrashuvlar o‘tkazish va aniqlangan muammolarni hal etish chora-tadbirlari to‘g‘risida.

5. Xalq deputatlari Chinoz tumani Kengashi huzuridagi “Xalqparvar” komissiyasining tarkibini tasdiqlash to‘g‘risidagi masalalar ko‘rib chiqildi.

Sessiya kun tartibidagi masalalar muhokamasida deputatlar Abdumajid Sadirov, Farxod Ibragimov, Xikmatilla Xafizov, Olimjon Isoqov, Davron Teshabayev, Elyorjon Saidov so‘zga chiqib, hisoboti eshitilgan rahbarlarga o‘zlarining savol, taklif va fikr-mulohazalarini bildirib o‘tdilar.

Sessiya yakunida kun tartibidagi masalalar yuzasidan tegishli qarorlar qabul qilindi. Kengash qarorlarining toʻliq matni internetda (Kengash.gov.uz platformasida) eʼlon qilinadi.

Xalq deputatlari Chinoz tumani Kengashi deputati Elyorjon Saidov