Kosonsoy tumani 20-Mahdumi A’zam saylov okrugida o‘tkazilgan sayyor qabullar hamda fuqarolardan kelib tushgan murojaatlar asosida hududdagi bir qator dolzarb muammolar yuzasidan tegishli tashkilotlarga deputatlik so‘rovi yuborildi.

🔎 Mazkur murojaatlar asosida Xalq deputatlari Kosonsoy tuman Kengashi deputati Abdullayev Javlonbek tomonidan Kosonsoy tuman hokimligiga deputatlik so‘rovi yo‘lladi

✏️ So‘rovda quyidagi asosiy masala ko‘tarildi:

✍️Kosonsoy tumani markaziy bozor hududida joylashgan “Guliston Sof savdo” MChJ boshqa tadbirkorga o‘tganligi munosabati bilan mazkur hududda faoliyat yuritayotgan tadbirkorlar tomonidan qator asosli noroziliklar bildirilmoqda.

Jumladan:

🔷Yangi rahbariyat tomonidan amaldagi ijara shartnomalariga qo‘shimcha ravishda asossiz ijara to‘lovlari talab qilinayotgani;

🔷Bozor hududidagi savdo do‘konlari o‘rtasidagi harakatlanish uchun mo‘ljallangan yo‘laklarda qo‘shimcha savdo nuqtalarini joylashtirish rejalashtirilayotgani;

🔷Bu holatlar tadbirkorlar faoliyatiga salbiy ta’sir ko‘rsatayotgani hamda bozordagi sanitariya, xavfsizlik va erkin harakatlanish talablariga zid kelishi mumkinligi haqida murojaatlar kelib tushmoqda.

📂 Deputat so‘rovining asosiy maqsadi — mahalla infratuzilmasini yaxshilash, aholi xavfsizligi va qulayligini ta’minlash hamda fuqarolar uchun munosib yashash sharoitini yaratishdan iborat