Yoshlar xavfsizligi va huquqiy ong — jamiyat barqarorligining muhim omili

Mamlakatimizda voyaga yetmaganlar o‘rtasida giyohvandlik va huquqbuzarliklarning oldini olish, yoshlarning huquqiy ongi hamda mas’uliyatini oshirish ustuvor vazifalardan biridir.

Shu maqsadda 19-Mingchinor saylov okrugidan saylangan Raximova Gavxar Ismoilovna — Xalq deputatlari Namangan shahar Kengashi deputati tashabbusi bilan Ozod mahalla fuqarolar yig‘ini hududidagi 40-sonli umumta’lim maktabida o‘quvchilar bilan uchrashuv tashkil etildi.

Tadbir davomida:

Giyohvandlikning salbiy oqibatlari;

Jinoyatchilik va huquqbuzarliklarning oldini olish;

Yoshlarning huquqiy savodxonligini oshirish;

Oliy ta’lim muassasalariga kirish imkoniyatlari bo‘yicha batafsil tushunchalar berildi.

Uchrashuv ochiq muloqot tarzida o‘tdi. O‘quvchilar o‘zlarini qiziqtirgan savollarga javob olib, kelajak rejalari haqida fikr almashdilar.

Bunday ma’rifiy va profilaktik tadbirlar yoshlarimizni sog‘lom, ongli va mas’uliyatli shaxslar etib tarbiyalashga xizmat qiladi.