“O`zbekiston – 2030” strategiyasini takomillashtirishning mazmun-mohiyati va uning amaliy ahamiyatini keng jamoatchilikka yetkazish, uning maqsad va vazifalarini tushuntirish maqsadida Xalq deputatlari Jalaquduq tuman Kengashi deputati O.Xolmurotova ishtirokida muhokamalar tashkil etilmoqda. Mazkur tadbirlar davomida strategiyada belgilangan ustuvor yo`nalishlar, jumladan, inson qadrini ulug`lash, ijtimoiy soha va ta`lim tizimini rivojlantirish, aholi turmush farovonligini oshirish, hududlarni barqaror rivojlantirish
kabi muhim masalalar atroflicha yoritilmoqda. Slayd-taqdimotlar orqali ishtirokchilarga strategiyaning mazmun-mohiyati, uning amaliy natijalari va kelgusidagi ustuvor vazifalari batafsil tushuntirib berilmoqda. Muhokamalar davra suhbati shaklida o`tkazilib, ishtirokchilar
faol ishtirok etmoqda, o`z fikr-mulohazalari va takliflarini bildirmoqda. Bunday ochiq muloqotlar strategiyaning ahamiyatini yanada chuqur anglash, uni hayotga tatbiq etishda jamoatchilik faolligini oshirishga xizmat qilmoqda. Navbatdagi bunday mazmunli suhbat Jalaquduq tumanidagi 12-sonli maktabgacha ta`lim tashkilotida bo`lib o`tdi. Tadbirda ta`lim muassasasi jamoasi ishtirok etib, “O`zbekiston – 2030” strategiyasi doirasida maktabgacha ta`lim tizimini rivojlantirish, bolalar tarbiyasi va ta`lim sifatini oshirish masalalariga alohida e`tibor qaratildi. Tadbir yakunida ishtirokchilar tomonidan bildirilgan taklif va tavsiyalar kelgusida amalga oshiriladigan ishlar uchun muhim ahamiyat kasb etishi ta`kidlandi.