Xalıq deputatları Taxtakópir rayonlıq Keńesiniń deputatı Q.Jaliev tárepinen Ózbekstan Respublikası Oliy Majlisi Nızamshılıq palatasındaǵı XDP frakciyasına nızamshılıqtı jetilistiriw boyınsha gezektegi usınıs usınıldı.
Usınısta Prezidenttiń PQ-117-sanlı qararında belgilengen normalardı bunnan bılay da jetilistiriw, sonıń ishinde, málimleme texnologiyaları tarawında jınayat islegen shaxslardı sanlı kásiplerge oqıtıw hám olardıń jámiyetke beyimlesiwin kúsheytiw boyınsha huqıqıy tiykarlardı anıqlastırıw zárúr ekenligi atap ótilgen.
🔹 Bul baslama sanlı ekonomika ushın maman kadrlar tayarlaw, qayta sociallasıwdı qollap-quwatlaw hám qaytadan huqıqbuzarlıqlardıń aldın alıwǵa xızmet etiwi kútilmekte.