Xalıq deputatları Bozataw rayonlıq Keńesiniń 8-sanlı "Erkindárya" saylaw okruginen (ÓzLiDeP) saylanǵan deputat J.Jumanazarov hám Keńes sekretariatınıń bas qánigesi K.Aitmuratov saylaw okrugi aymaǵında bolıp, máhálle turǵınları menen ushırasıw ótkerdi.

Ushırasıw dawamında puqaralar tárepinen kóterilgen múrájatlar, kóshelerdiń jaǵdayı, abadanlastırıw, infrastrukturanı jaqsılaw hám puqaralardı qızıqtırǵan basqa da áhmiyetli máseleler orınlarda kórip shıǵıldı. Hár bir múrájat boyınsha tiykarǵı pikirler tıńlanıp, olardı sheshiw boyınsha tiyisli usınıslar berildi hám juwapker shólkemler menen birgelikte ámeliy ilajlardı belgilew máselesi kórip shıǵıldı.

Sonday-aq, saylawshılar menen ashıqtan-ashıq sóylesiw alıp barılıp, deputatlıq baqlaw sheńberinde orınlardı úyreniw hám xalıqtıń múrájatlarına óz waqtında juwap beriliwin támiyinlew boyınsha jumıslar izbe-iz dawam ettiriletuǵını atap ótildi. Deputatlıq baqlaw hám máhálle menen tıǵız baylanıs ornatıw arqalı aymaqtaǵı mashqalalardı óz waqtında anıqlaw hám olardı sheshiwge qaratılǵan jumıslar úzliksiz alıp barılmaqta.