Xalq deputatlari Qo‘qon shahar Kengashi kotibiyati mudiri A.Nosirov hamda Oliy Majlis Qonunchilik palatasi deputati M.Valiyev tomonidan "Chodaklik" mahalla fuqarolar yig‘inida barpo etilayotgan maktabgacha ta’lim muassasasi (MTT) qurilish jarayonlari joyiga chiqqan holda o‘rganildi.

O‘rganish davomida qurilish ishlari sifati, loyiha asosida olib borilayotgan bunyodkorlik ishlari, foydalanilayotgan qurilish materiallari hamda obyektning belgilangan muddatlarda foydalanishga topshirilishi yuzasidan amalga oshirilayotgan ishlar bilan yaqindan tanishildi.

Shuningdek, mas’ul tashkilot vakillari va pudratchilar bilan suhbat o‘tkazilib, qurilish jarayonining bugungi holati, mavjud shart-sharoitlar, bajarilgan ishlar hajmi hamda kelgusidagi rejalar muhokama qilindi. Qurilish ishlari sifatini ta’minlash, belgilangan muddatlarga rioya qilish va zamonaviy talablarga mos ta’lim muassasasini barpo etish masalalariga alohida e’tibor qaratildi.

O‘rganish yakunida aniqlangan masalalar yuzasidan tegishli tavsiya va takliflar bildirilib, qurilish ishlarini sifatli va o‘z vaqtida yakunlash hamda obyektni belgilangan muddatda foydalanishga topshirish bo‘yicha mas’ullarga tegishli ko‘rsatmalar berildi.

Xalq deputatlari Qo‘qon shahar Kengashi