"Mahallada obodlik va mehr-oqibat oyligi" doirasida hududlarni yanada obod va ko‘rkam qilish, aholi uchun qulay yashash muhitini yaratish hamda ekologik madaniyatni yuksaltirish maqsadida keng ko‘lamli obodonlashtirish ishlari olib borilmoqda.
Mazkur tadbirlarda Xalq deputatlari Bo‘zatov tuman Kengashi deputati G.Jumanazarova faol ishtirok etib, o‘z saylov okrugi hududida amalga oshirilayotgan obodonlashtirish va ko‘kalamzorlashtirish ishlarida qatnashdi.
Tadbir davomida mahalla hududlari, ichki ko‘chalar va jamoat joylari tartibga keltirildi, yo‘l chetlari hamda ariqlar tozalandi, begona o‘tlar bartaraf etildi. Shuningdek, hududning sanitariya holatini yaxshilash, atrof-muhitni ozoda saqlash va aholi uchun qulay sharoit yaratishga qaratilgan amaliy ishlar bajarildi.
Deputat tomonidan mahalla faollari, yoshlar va fuqarolar bilan birgalikda olib borilgan ushbu tadbirlar hududni yanada obod qilish, ekologik madaniyatni yuksaltirish hamda aholining bunyodkorlik ishlaridagi faolligini oshirishga xizmat qilmoqda.
Kelgusida ham mahallalarda obodonlashtirish, ko‘kalamzorlashtirish va ekologik tozalikni ta'minlashga qaratilgan ishlar izchil davom ettiriladi.