Xalq deputatlari tuman Kengashi deputati Xusainov Alisher Abduvahobovich tomonidan mahalliy Kengash deputati faoliyatining eng muhim yo‘nalishlari va tavsiyalariga asosan Chilonzor tumanidagi “Bek-to‘pi” va “Al-Xorazmiy” MFYlari hududida maishiy chiqindilarni o‘z vaqtida olib chiqilishi hamda hududlar tozaligini saqlash borasida amalga oshirilayotgan ishlar o‘rganildi.
Jarayonda deputat Toshkent shahar hokimligi huzuridagi “Maxsustrans” DUK direktori S.A.Mavlyanov hamda uning o‘rinbosari N.F.Sayfiddinov bilan uchrashib, ular tomonidan hududda maishiy chiqindilarni olib chiqish grafigiga rioya etilishi hamda sanitariya holatini saqlash borasida amalga oshirilgan chora-tadbirlar va ishlarni atroflicha o‘rgandi.
O‘rganish yakunida hududda ekologik va sanitariya muhitini yaxshilash, aholi uchun qulay sharoitlar yaratish hamda xizmatlar sifatini oshirish bo‘yicha tegishli taklif hamda tavsiyalar bildirildi.