✅Xalq deputatlari Toyloq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi N. Baxriyev hamda tuman Kengashi kotibiyati bosh mutaxassisi Sh. G‘afforov tomonidan Nurafshon mahallasidagi 4-son umumta’lim maktabi uchun qurilayotgan 210 o‘rinli yangi binoda olib borilayotgan qurilish ishlari joyiga chiqib o‘rganildi.
✅O‘rganish davomida qurilishning birinchi qavati to‘liq yakunlangani, ayni paytda ikkinchi qavat devorlarini g‘isht terish ishlari jadal sur’atlarda davom etayotgani aniqlandi. Qurilish jarayonida ishlarning belgilangan jadval asosida olib borilayotgani, mavjud holatda qurilish ishlariga to‘sqinlik qiluvchi muammolar mavjud emasligi qayd etildi.
✅Mazkur o‘rganish "Mahalliy davlat hokimiyati to‘g‘risida"gi Qonunning 19¹-moddasi talablariga muvofiq, davlat dasturlari doirasida amalga oshirilayotgan qurilish ishlarining ochiqligi va shaffofligini ta’minlash hamda mahalliy budjet mablag‘larining maqsadli va samarali sarflanishi ustidan deputatlik nazoratini amalga oshirish maqsadida tashkil etildi.