Yozning issiq kunlari boshlanishi bilan, Olmaliq shahar "Delfin" akvabog'i shahar aholisi va mehmonlarining eng sevimli, gavjum maskaniga aylandi. Fursatdan foydalanib, fuqarolarning dam olishlari uchun yaratilgan sharoitlarni ko'zdan kechirish maqsadida maxsus o'rganish ishlari olib borildi.
Xalq deputatlari Olmaliq shahar Kengashi deputatlari Mardona Ergashova hamda Zuhra Pulatovalar mazkur akvabog'da bo'lib, quyidagi masalalarni atroflicha o'rgandilar:
✅Aholi uchun yaratilgan qulayliklar: Dam oluvchilarning xavfsizligi va ularga ko'rsatilayotgan xizmatlar sifati;
✅Sanitariya-gigiyena holati: Basseynlardagi suvning tozaligi, filtrlash tizimlarining ishlashi va gigiyenik talablarga mosligi;
✅Fuqarolar talabi: Bog'ga keluvchi aholining fikr-mulohazalari va istaklari.
📌 Muloqot va istiqbolli rejalar:
O'rganish davomida akvabog' rahbariyati va mas'ul xodimlari tomonidan deputatlarga hududda olib borilayotgan ishlar yuzasidan batafsil tushunchalar berildi. Fuqarolarga yanada sifatli va maroqli hordiq ulashish maqsadida, kelgusida amalga oshirilishi lozim bo'lgan muhim vazifalar va rejalar kelishib olindi.

Aholining maroqli va xavfsiz hordiq chiqarishi — doimiy e'tiborda!