Xalq deputatlari Bag‘dod tumani Kengashining 21-"Samarqand" saylov okrugi deputati T.To‘ychiboyev hamda Kengash Kotibiyati mudiri G‘.Abdullayev tomonidan "Samarqand" mahalla fuqarolar yig‘inining Istiqlol ko‘chasida o‘rganish ishlari olib borildi.

O‘rganish davomida mazkur ko‘cha infratuzilmasi ko‘zdan kechirilib, fuqarolar bilan muloqot qilindi. Muloqot jarayonida aholi tomonidan Istiqlol ko‘chasining 0,4 kilometr qismini asfaltlashtirish zarurligi bo‘yicha murojaat bildirildi.

Aniqlangan mazkur masala deputatning "Ko‘chama-ko‘cha aylanish" daftariga qayd etilib, ijrosini ta’minlash maqsadida deputat nazoratiga olindi. Ushbu masalani tegishli tashkilotlar bilan hamkorlikda hal etish yuzasidan zarur choralar ko‘rilishi belgilandi.