Xalq deputatlari Yangiobod tuman Kengashi raisi, deputat X. Tilakov, tuman Kengashi deputatlari G.Raimova, J.Yoqubov Sarmich mahallasida fuqaro bilan muloqot davomida ijtimoiy himoyaga muhtoj oilaning murojaatini o‘rgandi.

🔎 Murojaat davomida fuqaro Ijtimoiy reyestrga kiritilgan farzandi uchun nogironlar aravachasi olish masalasida amaliy yordam so‘ragan.

📌 Murojaat yuzasidan fuqaroga mazkur masalani hal etishning belgilangan tartibi tushuntirilib, Ijtimoiy xizmatlar markaziga murojaat qilib, tegishli ariza bilan chiqish zarurligi aniq ko‘rsatib berildi.

🤝 Shuningdek, murojaatni ko‘rib chiqish uchun zarur bo‘lgan tartib-taomillar va hujjatlarni rasmiylashtirish yuzasidan amaliy tavsiyalar berildi. Natijada fuqaro qayerga, qanday tartibda va qaysi masala bo‘yicha murojaat qilishi lozimligi yuzasidan aniq ma’lumotga ega bo‘ldi.

✅ Mazkur masala yuzasidan tegishli tashkilot mas’ullari bilan hamkorlikda ish olib borish, fuqaroning murojaatini belgilangan tartibda ko‘rib chiqish hamda muammoni ijobiy hal etish choralarini ko‘rish bo‘yicha kelishib olindi.