MAHALLIY BUDJETNING QO‘SHIMCHA MANBALARI YO‘NALTIRILDI
🔹 Xalq deputatlari Pastdarg‘om tumani Kengashining 33-sessiyasida mahalliy budjetning qo‘shimcha manbalari hisobidan mablag‘larni yo‘naltirish masalasi ko‘rib chiqildi.
💰 Qarorga muvofiq, tuman budjetining:
— ikkinchi hisobot choragi yakuni bo‘yicha prognozdan oshirib bajarilgan daromadlari;
— yer uchastkalariga bo‘lgan huquqlarni elektron savdo maydonchalarida sotish;
— qishloq xo‘jaligiga mo‘ljallangan yerlarning ijara huquqini elektron onlayn-auksion orqali sotish hamda to‘g‘ridan-to‘g‘ri ijaraga berishdan tushgan mablag‘lari hisobidan qo‘shimcha mablag‘larni tegishli yo‘nalishlarga yo‘naltirish takliflari ma’qullandi.
📑 Sessiya qarorida ajratilgan mablag‘lardan to‘g‘ri, maqsadli va samarali foydalanish, belgilangan tartibda to‘lovlarni amalga oshirish hamda moliyalashtirish uchun zarur hujjatlarni rasmiylashtirish bo‘yicha mas’ul tashkilotlarga aniq vazifalar belgilandi.
📊 Tuman Iqtisodiyot va moliya bo‘limiga budjet xarajatlariga tegishli o‘zgartirishlar kiritish, G‘aznachilik bo‘linmasiga esa belgilangan tartibda to‘lovlarni amalga oshirish topshirildi.
👥 Muhim jihati: ajratilgan mablag‘larning maqsadli va samarali sarflanishi ustidan nazorat Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi hamda tuman hokimining birinchi o‘rinbosari zimmasiga yuklatildi.
✅ Mazkur qaror mahalliy budjetning qo‘shimcha imkoniyatlaridan oqilona foydalanish, mablag‘larni ustuvor yo‘nalishlarga yo‘naltirish va ularning samaradorligini ta’minlashga qaratilgan. Rasmiy sahifalarimiz!