O‘zbekistonimiz mustaqilligining 35 yilligi — xalqimizning birdamligi, Vatanga bo‘lgan cheksiz mehr va bunyodkorlik timsolidir.

Yagona Vatan, yagona xalq bo‘lib, yangi hayot va porloq kelajakni birgalikda yaratamiz!

Istiqlolning yoshi o‘ttiz besh

Istiqlolning yoshi o‘ttiz besh,
Farovondir, elning ishi besh.
Yer-u ko‘kni munavvar etgan
Oftobu Oy tunu kunda esh.
Vatan ozod, erki qo‘lida,
Chin qardoshlar o‘ngu so‘lida.
Gul chechaklar chaman cho‘lida,
Istiqlolning yoshi o‘ttiz besh.
Muzlar erib, qalblarda ko‘klam,
Kunlarimiz kundan kun ko‘rkam,
Qancha suyib ardoqlasang kam,
Istiqlolning yoshi o‘ttiz besh.
Uqdiraman o‘g‘il-u qizga,
Ko‘z tegmasin turmushimizga,
Havas qilar yer yuzi bizga,
Istiqlolning yoshi o‘ttiz besh.
Sarbonimiz oqilu bardam,
Yuksaklarni zabt etar har dam.
Mukarramdir hazrati odam,
Istiqlolning yoshi o‘ttiz besh.
Ulug‘ ne’mat tinch o‘tgan har on.
Ibrat olsin bizlardan jahon,
Yo‘limizni yoritar Qur’on,
Istiqlolning yoshi o‘ttiz besh.
Shavkatlidir Hur O‘zbekiston,
Jannatmonand boqiy guliston,
Hazon bilmay yashnasin bo‘ston,
Istiqlolning yoshi o‘ttiz besh.
Iqbolimiz abadiy bo‘lsin,
Olam quvonch, shodlikka to‘lsin.

Omonulloh Mutal
Xalq deputatlari Chilonzor tumani Kengashi deputati