Xalq deputatlari Boyovut tuman Kengashining 2026-yil 1-yarim yillik media-rejasida belgilangan vazifalar ijrosi yuzasidan hududda ko‘chat ekish, ularni parvarishlash hamda yashil hududlarni kengaytirish bo‘yicha amalga oshirilayotgan ishlar muntazam o‘rganib borilmoqda.

Shu munosabat bilan tuman deputati J.Rahmonqulov tomonidan “Navbahor” mahallasida “Yashil makon” umummilliy loyihasi doirasida ekilgan ko‘chatlarning holati o‘rganildi.

O‘rganish davomida ko‘chatlarning o‘sish holati, ularni sug‘orish va parvarishlash ishlari, shuningdek, yashil hududlarni kengaytirish borasida olib borilayotgan tadbirlar bilan tanishildi. Ma’lum qilinishicha, mazkur hududga loyiha doirasida 150 tup turli xil manzarali ko‘chatlar ekilgan bo‘lib, ularning yaxshi o‘sib-rivojlanishini ta’minlash maqsadida muntazam parvarish ishlari olib borilmoqda.