Xalq deputatlari Chinoz tumani Kengashi deputati Alimjon Adilbekov tomonidan Eshonobod MFY hududida joylashgan 20-sonli umumta’lim maktabida kuz-qish mavsumiga tayyorgarlik doirasida isitish tizimining holati o‘rganildi.

📝O‘rganish jarayonida maktab binosining issiqlik ta’minoti, qozonxona va isitish quvurining texnik holati, sinf xonalar va yordamchi binolarda belgilangan me’yorlarga muvofiq harorat rejimiga rioya etilishi holatlari ko‘zdan kechirildi.

♻️Shuningdek, o‘quvchilar va pedagog xodimlar uchun qulay va xavfsiz ta’lim muhitini ta’minlash masalalariga alohida e’tibor qaratildi.

✅Deputat tomonidan aniqlangan mavjud muammolar yuzasidan mas’ullarga tegishli tavsiyalar berilib, ularni bartaraf etish bo‘yicha aniq vazifalar belgilandi. Mazkur masalalar doimiy nazoratga olinib, kuz-qish mavsumida ta’lim muassasasining uzluksiz va barqaror faoliyatini ta’minlash choralari ko‘rilishi ta’kidlandi.