Yig‘ilish avvalida o‘tgan hafta davomida kotibiyat tomonidan amalga oshirilgan ishlar, deputatlar faoliyatini tashkil etish, doimiy komissiyalar faoliyati, deputatlik nazorati hamda fuqarolar murojaatlari bilan ishlash yo‘nalishida bajarilgan vazifalar atroflicha muhokama qilindi.

💬Shuningdek, 162 ta qonun hujjatlari asosida ishlab chiqilgan savolnomalar bo‘yicha amalga oshirilgan ishlar, ularning mazmun-mohiyati, deputatlar tomonidan ilgari surilgan savol va takliflar hamda mas’ul tashkilotlardan olinayotgan javoblarning sifati yuzasidan tahlillar o‘tkazildi.

💬Shundan so‘ng, deputat A. Mustafakulov so‘zga chiqib, Xalq deputatlari shahar Kengashi doimiy komissiyalari faoliyatini yanada takomillashtirish, deputatlik nazoratini kuchaytirish hamda Kengash qarorlari ijrosini samarali tashkil etish bo‘yicha o‘z taklif va tavsiyalarini bildirdi.

💬Xususan, doimiy komissiyalar tomonidan Kengash qarorlari ijrosini joyiga chiqqan holda o‘rganish, mas’ul tashkilotlarning hisobotlarini tanqidiy tahlil qilish, deputatlik so‘rovlariga berilayotgan javoblar ijrosi ustidan muntazam monitoring olib borish hamda aniqlangan muammolarni amaliy hal etishga qaratilgan nazorat-tahlil tadbirlarini kuchaytirish zarurligi ta’kidlandi.

🫥Yig‘ilish yakunida bildirilgan takliflarni amaliyotga tatbiq etish, doimiy komissiyalar faoliyati samaradorligini oshirish hamda kelgusidagi ustuvor vazifalarni o‘z vaqtida va sifatli amalga oshirish yuzasidan tegishli topshiriqlar belgilab olindi.