Xalq deputatlari Qo‘qon shahar Kengashi deputati Sh.Rasulova tomonidan "G‘oziyog‘lik" mahalla fuqarolar yig‘inida hokim yordamchisi T.Usmonovning O‘zbekiston Respublikasining 2012-yil 26-apreldagi O‘RQ–327-sonli "Oilaviy tadbirkorlik to‘g‘risida"gi hamda 2012-yil 2-maydagi O‘RQ–328-sonli "Tadbirkorlik faoliyati erkinligining kafolatlari to‘g‘risida"gi Qonunlari ijrosi yuzasidan olib borayotgan ishlari doirasida joyiga chiqib o‘rganish ishlari amalga oshirildi.

O‘rganish jarayonida mahalla hududida faoliyat yuritayotgan yakka tartibdagi tadbirkor M.Ro‘zmatovning ishlab chiqarish faoliyati bilan yaqindan tanishildi hamda tadbirkorlikni yanada rivojlantirish borasidagi ehtiyoj va takliflari muhokama qilindi.

Tadbirkor tomonidan trikotaj mahsulotlari ishlab chiqarish faoliyatini kengaytirish maqsadida yer maydoni ajratilishi yuzasidan murojaat bildirildi. Mazkur murojaat deputat tomonidan atroflicha o‘rganilib, amaldagi qonunchilik talablari asosida yer ajratish tartibi, murojaat qilish mexanizmlari hamda zarur hujjatlar bo‘yicha huquqiy tushuntirish va maslahatlar berildi.

Shuningdek, tadbirkorning murojaati nazoratga olinib, uni belgilangan tartibda ko‘rib chiqish va tegishli tashkilotlar bilan hamkorlikda amaliy yechim topish bo‘yicha mas’ullarga tavsiyalar berildi.

Uchrashuv davomida tadbirkorlar uchun yaratilayotgan qulay biznes muhiti, davlat tomonidan taqdim etilayotgan imtiyoz va preferensiyalar, oilaviy tadbirkorlikni rivojlantirish dasturlari hamda qonunchilikda belgilangan imkoniyatlardan samarali foydalanish masalalari yuzasidan ham fikr almashildi.

Xalq deputatlari Qo‘qon shahar Kengashi