Xalq deputatlari Tuproqqal’a tuman Kengashiga “Saidlar” saylov okrugidan deputat N. Qurbonova mahallada “mahalla yettiligi” faoliyati hamda fuqarolar bilan o‘zaro munosabatlar holatini o‘rgandi.

O‘rganish davomida mahalla fuqarolar yig‘ini raisi boshchiligida hokim yordamchisi, xotin-qizlar faoli, yoshlar yetakchisi, ijtimoiy xodim, soliq inspektori hamda uchastka inspektori tomonidan olib borilayotgan hamkorlikdagi ishlar tizimli yo‘lga qo‘yilgani qayd etildi. Mazkur hamkorlik davlatimiz rahbari tashabbuslari asosida qabul qilingan farmon va qarorlar bilan mustahkamlangan bo‘lib, amalda ijobiy natijalar bermoqda.

Xususan, fuqarolar va mahalla yettiligi o‘rtasidagi samarali muloqot natijasida tuman ijro organlari, sud-huquq hamda prokuratura tashkilotlariga yo‘llanayotgan ariza va shikoyatlar sonining o‘tgan yillarga nisbatan kamaygani kuzatilmoqda.