✔️Xalq deputatlari Jondor tumani Kengashi huzurida tashkil etilgan ekspert guruhi faoliyati yuzasidan navbatdagi yig‘ilishi bo‘lib o‘tdi.

✔️Ma’lumki, O‘zbekiston Respublikasi Oliy Majlis Senati Kengashining 2025 yil 28 yanvardagi “Xalq deputatlari viloyat, tuman va shahar Kengashi huzuridagi ekspert guruhi tashkil qilish to‘g‘risida”gi KQ-52-V-sonli qarori ijrosini ta’minlash maqsadida, 2025 yil 27 fevralda Xalq deputatlari Jondor tumani Kengashining VII-7-26-2-35-K/25-sonli qarori qabul qilinib, Kengash huzurida ekspert guruhi tashkil etilgan edi.

✔️Mazkur qaror bilan tasdiqlangan Nizom talablari asosida ekspert guruhi tomonidan o‘tgan davr mobaynida amalga oshirilgan ishlar tahlil qilinib, hisobot taqdim etildi. Yig‘ilishda guruh a’zolari tomonidan mahalliy ijroiya hokimiyati organlari faoliyatini tahlil qilish, qabul qilinayotgan qarorlar loyihalarini ekspertizadan o‘tkazish, shuningdek, hududdagi ijtimoiy-iqtisodiy muammolarni o‘rganish bo‘yicha amalga oshirilgan ishlar yuzasidan ma’lumot berildi.

✔️Ta’kidlanganidek, ekspert guruhi faoliyati davomida Kengash sessiyalariga kiritilayotgan bir qator masalalar yuzasidan taklif va xulosalar ishlab chiqilib, qarorlar sifatini oshirishga xizmat qilgan. Shuningdek, aholini qiynayotgan dolzarb muammolarni aniqlash va ularga yechim topishda ham guruh a’zolarining ishtiroki ta’minlangan.

✔️Yig‘ilish davomida ekspert guruhi faoliyatini yanada samarali tashkil etish, tahliliy ishlarni kuchaytirish hamda Kengash qarorlarining ijrosini ta’minlashda faol ishtirok etish bo‘yicha tegishli tavsiyalar berildi.

✔️Yakunda, ekspert guruhi a’zolari oldiga kelgusida ham hududni ijtimoiy-iqtisodiy rivojlantirishga qaratilgan tashabbuslarni qo‘llab-quvvatlash, asosli takliflar ishlab chiqish va qarorlar sifatini oshirish borasidagi vazifalar belgilab olindi.