Халқ депутатлари Янгиқўрғон туман Кенгаши депутати ташаббуси билан маҳаллада ҳашар ташкил этилди

Халқ депутатлари Янгиқўрғон туман Кенгаши депутати Хайитов Абдурасул томонидан сайлов округида жойлашган маҳаллада ободонлаштириш ва кўкаламзорлаштириш ишларини янада жадаллаштириш мақсадида ҳашар ташкил этилди.

Ҳашарда маҳалла фаоллари, нуронийлар, ёшлар ҳамда фуқаролар фаол иштирок этдилар. Тадбир давомида ҳудуддаги ариқлар тозаланди, атроф-муҳит тартибга келтирилди, чиқиндилар бартараф этилди ва кўчатлар экиш ишлари амалга оширилди.

Шунингдек, ҳашар орқали маҳаллада санитария ҳолатини яхшилаш, аҳоли учун қулай ва соғлом муҳит яратиш, шу билан бирга фуқаролар ўртасида бирдамлик ва ҳамжиҳатликни мустаҳкамлашга алоҳида эътибор қаратилди.

Ташкил этилган ҳашар маҳалланинг обод қиёфасини шакллантиришда муҳим аҳамият касб этиб, бундай эзгу ташаббусларни келгусида ҳам изчил давом эттириш режалаштирилмоқда.