Xalq deputatlari Toyloq tuman Kengashi deputati Oripov Komil Jumanazarovich Fayzobod mahallasiga tashrif buyurdi. Tashrif davomida deputat mahalladagi kam ta’minlangan, nogironligi bo‘lgan hamda kasallik sababli uy sharoitida davolanayotgan fuqarolar holidan xabar oldi, ularning muammolari bilan yaqindan tanishdi.

Shundan so‘ng mahalla “yettilligi” bilan uchrashuv o‘tkazilib, hududda jinoyatchilikning oldini olish, to‘y-hasham va ortiqcha marosimlarni ixchamlashtirish, ishlash maqsadida chet elga ketgan fuqarolar, ayniqsa xotin-qizlarni Vatanga qaytarish masalalari muhokama qilindi.

Shuningdek, mahallada ijtimoiy barqarorlikni ta’minlash, yoshlar bandligini oshirish hamda aholi farovonligini yaxshilash yuzasidan amalga oshiriladigan vazifalar belgilab olindi.

Bizni kuzatib boring:👇

t.me/Toyloq_tuman_Kengashi