📌 Xalq deputatlari Chinoz tumani Kengashiga 2-Hamza saylov okrugidan saylangan deputat A. Baxromov tomonidan “Hamza” mahallasida ko‘chama-ko‘cha yurib, ehtiyojmand oilalarning ijtimoiy holati va mavjud muammolari o‘rganildi.
🔎 O‘rganish davomida xonadonlarga tashrif buyurilib, oilalarning ijtimoiy yordam va xizmatlarga bo‘lgan ehtiyoji, moddiy-maishiy sharoiti, oila a’zolarining salomatligi, surunkali kasalliklar va nogironlik holatlari, tashqi mehnat migratsiyasi, oiladagi farzandlar soni hamda boshqa ijtimoiy omillar atroflicha o‘rganildi.
📋 Shuningdek, ehtiyojmand oilalarni aniqlash, ularning muammolarini manzilli o‘rganish, zarur ijtimoiy yordam va xizmatlarga yo‘naltirish, bandligini ta’minlash hamda daromad manbalarini shakllantirish imkoniyatlari ko‘rib chiqildi.
📝 Ko‘chama-ko‘cha yurib o‘tkazilgan o‘rganish davomida aniqlangan muammolar deputatlik daftariga qayd etilib, har bir oilaning muammosini hal etish yuzasidan tegishli choralar belgilab olindi.
🤝 Har bir xonadonning ehtiyojidan kelib chiqib, ularni manzilli ijtimoiy qo‘llab-quvvatlash, mavjud muammolarni tegishli tashkilotlar bilan hamkorlikda hal etish hamda oilalarning daromad manbalarini kengaytirishga ko‘maklashish masalalariga alohida e’tibor qaratildi.