Qorabuloq MFYdagi 6-sonli oilaviy poliklinikada o‘rganish o‘tkazildi

Xalq deputatlari tuman Kengashi kotibiyat mudiri G‘.Uzoqov, hududiy deputat A.Do‘stov hamda tuman Kengashi deputatlari A.Rasulov, G.Kenjayeva, XDP tuman Kengashi raisi, tuman Kengashi deputati Z.Norova, Yoshlar maslahat guruhi a’zosi O.Nosirov hamda Ekspert guruhi a’zosi A.Mirzayevlar Qorabuloq MFYda joylashgan 6-sonli oilaviy poliklinikaga tashrif buyurishdi.

Tashrif davomida ishchi guruh a’zolari "Fuqarolar sog‘lig‘ini saqlash to‘g‘risida"gi Qonun ijrosi yuzasidan tibbiyot muassasasidagi mavjud holatni har tomonlama va atroflicha o‘rgandilar.

O‘rganishlar davomida asosiy e’tibor quyidagi ustuvor yo‘nalishlar va muhim savollarga qaratildi:

Tibbiy xizmat sifati va aholi roziligi:

Tumanda aholiga ko‘rsatilayotgan tibbiy xizmat darajasi, tibbiyot xodimlarining muomala madaniyati hamda fuqarolarning yaratilgan sharoitlar va sifatdan qay darajada rozi ekanliklari bevosita aholi va bemorlar bilan muloqot qilgan holda tahlil etildi.

Kadrlar ta’minoti va mutaxassislar ehtiyoji:

Poliklinika va shifoxonalarda shifokorlar hamda o‘rta tibbiyot xodimlarining yetarliligi, sohada kadrlar tanqisligi bor-yo‘qligi va tor doiradagi mutaxassislarga bo‘lgan ehtiyoj masalalari ko‘rib chiqildi.

Bepul tibbiy xizmatlar ijrosi:

Qonunchilikda belgilangan bepul tibbiy xizmatlar va imtiyozli yordam turlarining amaliyotda aholiga qanchalik adolatli va to‘liq yetkazilayotgani, kafolatlangan tibbiy paketlar ijrosi o‘rganildi.

Dori-darmon ta’minoti va ularning
hamyonbopligi:

Poliklinika zaxirasidagi dori vositalarining mavjudligi, aholining sifatli va arzon dori-darmonlarni uzluksiz olish imkoniyati nazoratdan o‘tkazildi.

Qishloq va olis hududlardagi tibbiyot muammolari:

Chekka va qishloq hududlarida istiqomat qiluvchi aholiga tezkor hamda sifatli tibbiy xizmat ko‘rsatishda yuzaga kelayotgan dolzarb muammolar, texnik va infratuzilma kamchiliklari atroflicha muhokama qilindi.

Muloqot va o‘rganishlar yakunida aniqlangan muammolarni bartaraf etish, kadrlar salohiyatini oshirish hamda aholiga tibbiy xizmat ko‘rsatish sifatini yanada yaxshilash yuzasidan mas’ullarga tegishli tavsiyalar berildi va aniq chora-tadbirlar belgilab olindi.

#ish_reja
#24_tavsiya
#DeputatNazorati #SogliqniSaqlash #AholiMurojaati #Tibbiyot #TumanKengashi

💬Facebook | 📸Instagram | 🌍Web sayt|  ✅Telegram | 📹YouTube