O‘rganish davomida qurilish jarayonining belgilangan tartib va talablar asosida olib borilishi, hudud obodonligi, aholiga qulay sharoit yaratish, xavfsizlik choralariga rioya etish hamda fuqarolar murojaatlari bilan ishlash holatiga alohida e’tibor qaratildi.

Mazkur o‘rganish deputatlik faoliyatining asosiy 24 ta savolnomasi doirasida amalga oshirilib, mahalladagi qurilish ishlari, infratuzilma, obodonlashtirish, xavfsizlik, kommunal xizmatlar va aholi murojaatlari bilan ishlash masalalari ko‘rib chiqildi.

Ushbu jarayon O‘zbekiston Respublikasining Shaharsozlik kodeksi, “Mahalliy davlat hokimiyati to‘g‘risida”gi Qonun, “Jamoatchilik nazorati to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunda belgilangan vazifalar ijrosiga muvofiq amalga oshirildi.

O‘rganish yakunida qurilish jarayonida aniqlangan masalalarni tegishli tashkilotlar bilan hamkorlikda ko‘rib chiqish, zarur hollarda deputatlik so‘rovlari kiritish hamda ijrosi ustidan deputatlik nazoratini olib borish bo‘yicha vazifalar belgilab olindi.

✅ Akbarobod mahallasida qurilish ishlarining qonuniy, sifatli va xavfsiz amalga oshirilishi bo‘yicha deputatlik nazorati davom ettirilmoqda.

Bizni kuzatishda davom eting!