Xalq deputatlari Nurobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a'zosi A.Hakimov hamda doimiy komissiyaga biriktirilgan tashkilot vakili hamkorligida tumandagi 15-Oqsoy saylov okrugidagi Oqsoy mahallasida o‘rganish ishlari olib borildi.

O‘rganish davomida mahalladagi yoshlar yetakchisi tomonidan yoshlarni qo‘llab-quvvatlash, ularning bandligini ta'minlash, bo‘sh vaqtini mazmunli tashkil etish, tadbirkorlikka jalb qilish, iqtidorli yoshlar bilan ishlash hamda yoshlar muammolarini tizimli hal etish borasida amalga oshirilayotgan ishlar atroflicha tahlil qilindi.

Shuningdek, O‘zbekiston Respublikasining 2016-yil
14-sentabrdagi O‘RQ-406-son "Yoshlarga oid davlat siyosati to‘g‘risida"gi Qonuni ijrosi yuzasidan amalga oshirilayotgan chora-tadbirlar, qonunda belgilangan vazifalarning joylardagi ijrosi, yoshlarning huquq va manfaatlarini ta'minlash, ularning ijtimoiy faolligini oshirish hamda davlat tomonidan yaratilayotgan imkoniyatlardan samarali foydalanish holati o‘rganildi.

O‘rganish jarayonida yoshlar yetakchisi tomonidan olib borilayotgan ishlar yuzasidan axborot tinglanib, yoshlar bilan ishlash tizimi samaradorligini yanada oshirish, ularning muammolarini o‘z vaqtida aniqlash va hal etish, kasb-hunarga yo‘naltirish hamda bandligini ta'minlash bo‘yicha tegishli taklif va tavsiyalar bildirildi.