Xalq deputatlari tuman Kengashi kotibiyatining tasdiqlangan ish rejasi ijrosini ta’minlash maqsadida Kengash kotibiyati bosh mutaxassisi G.Abduvositova o‘ziga biriktirilgan Fazogir mahallasida Xalq deputatlari tuman Kengashi deputati G.Soliyeva bilan birgalikda o‘rganish ishlarini amalga oshirdi. O‘rganish davomida Fazogir MFY Shaxrixon ko‘chasi 16-uyda yashovchi fuqaro Isomiddinova Nilufarning tomorqasi ko‘zdan kechirildi. Ushbu fuqaro tomorqasida turli xil mahsulotlar yetishtirib, qo‘shimcha daromadga ega bo‘layotgani, tomorqasida tashkil etilgan issiqxonada yetishtirayotgan mahsulotlarini bozorga yetkazib berayotgani va o‘zini o‘zi band qilgani tuman Kengashi deputati tomonidan e’tirof etildi. N.Isomiddinova tomorqadan samarali foydalanish, yerdan yuqori hosil olishning zamonaviy agrotexnik usullarini qo‘llash, suv resurslaridan tejamkorlik bilan foydalanish hamda bo‘sh turgan yer maydonlarini to‘liq o‘zlashtirish yuzasidan o‘z fikrlarini bildirib o‘tdi.