Xalq deputatlari Ishtixon tumani Kengashi deputati Nurmuxamedov Ulug‘bek Erkinovichga O‘zbekiston Respublikasining “Ish beruvchining fuqarolik javobgarligini majburiy sug‘urta qilish to‘g‘risida”gi Qonuni (O‘RQ–210, 2009-yil 16-aprel) ijrosi ustidan deputatlik nazoratini amalga oshirish vazifasi biriktirilgan.

Mazkur qonun xodimning mehnat faoliyati jarayonida hayoti va sog‘lig‘iga zarar yetganda uning qonuniy manfaatlarini himoya qilish, ish beruvchining fuqarolik javobgarligini sug‘urtalash hamda yetkazilgan zararning o‘z vaqtida qoplanishini ta’minlashga qaratilgan.

📝 Deputat tomonidan qonun va ushbu sohaga oid normativ-huquqiy hujjatlar ijrosi yuzasidan o‘rganishlar olib borilib, tegishli tashkilotlar faoliyati tahlil qilinadi hamda qonunchilik talablarining amalda qo‘llanilishi yuzasidan deputatlik nazorati amalga oshiriladi.

🔍 Shuningdek, qonun ijrosi bo‘yicha savolnomalar ishlab chiqish, mas’ul tashkilotlar faoliyatini o‘rganish hamda aniqlangan muammo va kamchiliklar yuzasidan tegishli takliflar kiritish rejalashtirilgan.

✅ Qonun ijrosi ustidan samarali nazorat o‘rnatilishi mehnat munosabatlarida xodimlarning huquq va manfaatlarini himoya qilish, ish joylarida xavfsizlik madaniyatini mustahkamlash hamda qonunchilik talablarining to‘liq bajarilishiga xizmat qiladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram