Xalq deputatlari Uchquduq tuman Kengashi kotibiyat mudiri M.Kamolova hamda “Navoiy” mahalla fuqarolar yig‘ini xotin-qizlar faoli hamkorligida Axborot-kutubxona markazida xotin-qizlar bilan ochiq muloqot tashkil etildi.

Muloqot davomida xotin-qizlarning ijtimoiy faolligini oshirish, bandligini ta’minlash, tadbirkorlik faoliyatini qo‘llab-quvvatlash, kasb-hunarga o‘qitish, oilaviy muammolarni hal etish hamda ularning huquq va manfaatlarini himoya qilish masalalari muhokama qilindi.

Shuningdek, uchrashuvda xotin-qizlar tomonidan bildirilgan murojaat, taklif va muammolar tinglanib, ularni hal etish yuzasidan tegishli tushuntirishlar berildi. Davlatimiz tomonidan xotin-qizlarni qo‘llab-quvvatlash, ularning bandligini ta’minlash va turmush farovonligini oshirishga qaratilgan dasturlar hamda mavjud imkoniyatlar haqida batafsil ma’lumotlar berildi.

Muloqot jarayonida xotin-qizlarning jamiyatdagi o‘rni va faolligini yanada oshirish, ularni kitobxonlikka keng jalb etish, ma’naviy-ma’rifiy tadbirlarda faol ishtirok etishini ta’minlash masalalariga alohida e’tibor qaratildi.

Ochiq va samimiy ruhda o‘tgan uchrashuv yakunida ishtirokchilar tomonidan bildirilgan takliflar kelgusidagi ishlar rejasini shakllantirishda inobatga olinishi hamda mavjud masalalarni hal etish bo‘yicha tegishli choralar ko‘rilishi ta’kidlandi.