Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq deputatlar U.Aripbayev va F.Axmedov tomonlaridan kotibiyat xodimi N.Kurganova ishtirokida yo‘l-transport hodisalarining oldini olish, piyodalar uchun xavfsiz va qulay sharoitlar yaratish maqsadida Xalq deputatlari tuman Kengashi deputatlari tomonidan hududdagi piyodalar infratuzilmasi holati o‘rganildi.

🔺O‘rganish davomida aholi gavjum hududlar, ta’lim muassasalari, tibbiyot muassasalari hamda markaziy ko‘chalar atrofida joylashgan piyodalar o‘tish joylari, yo‘l belgilari, svetoforlar, sun’iy yo‘l notekisliklari va piyodalar yo‘laklarining holati ko‘zdan kechirildi. Deputatlar tomonidan piyodalarning xavfsiz harakatlanishi uchun yaratilgan sharoitlar, ayniqsa bolalar, keksalar va imkoniyati cheklangan shaxslar uchun mavjud qulayliklar tahlil qilindi.

🔺O‘rganish jarayonida mutasaddi tashkilotlar vakillari bilan suhbat o‘tkazilib, yo‘l harakati xavfsizligini ta’minlash, piyodalar ishtirokidagi baxtsiz hodisalarning oldini olish va infratuzilmani yanada takomillashtirish yuzasidan takliflar muhokama qilindi.

🔺Tadbir yakunida aniqlangan kamchiliklarni bartaraf etish, piyodalar uchun qo‘shimcha qulayliklar yaratish, zarur joylarda yo‘l belgilari va ogohlantiruvchi vositalarni o‘rnatish bo‘yicha tegishli tashkilotlarga deputatlik tavsiyalari berildi. Deputatlik nazorati doirasida mazkur yo‘nalishdagi ishlar izchil davom ettirilib, aholi xavfsizligini ta’minlashga qaratilgan chora-tadbirlar muntazam o‘rganib boriladi.