Urg‘uch mahallasida deputat saylovchilariga axborot berdi 

Xalq deputatlari Paxtachi tumani Kengashi 23-Pulatchi saylov okrugidan
saylangan deputat Xalikulov Baxtiyor Ortiqovich O‘zbekiston
Respublikasi Oliy Majlisi Senatining Mahalliy hokimiyat vakillik organlari
faoliyatini kuchaytirishga ko‘maklashuvchi komissiyasining 2024-yil
31-yanvardagi “Mahalliy Kengashlar deputatlari faoliyati samaradorligini
oshirish to‘g‘risida”gi 22-son qaroriga muvofiq saylovchilariga axborot berdi. 

Tadbir davomida deputat o‘tgan davr mobaynida amalga oshirgan ishlari,
hududda olib borilayotgan ijtimoiy-iqtisodiy islohotlar hamda mahallani
rivojlantirish borasidagi muhim tashabbuslar haqida atroflicha ma’lumot berdi. 

Shuningdek, kelgusidagi ustuvor vazifalar va rejalar yuzasidan ham
to‘xtalib o‘tildi. Uchrashuv ochiq muloqot tarzida o‘tib, fuqarolar o‘zlarini
qiziqtirgan savollariga javob oldilar, dolzarb muammolar yuzasidan taklif va
mulohazalar bildirildi.