🔹Deputat o‘rganuvi natijalari: mahallada joylashgan 60-oilaviy poliklinika shifokor-xodimlari aholiga o‘z vaqtida sifatli tibbiy yordam ko‘rsatmoqda. 11 nafar ro‘yxatda turuvchi bemorlarga kerakli dori –darmonlar bepul tarqatilayapti. 

🔹Mahalla hududidagi 37-umumiy o‘rta ta’lim maktabi sport zali va maydoni o‘rganilganda: sport zali sport anjomlari bilan jihozlangan va ularning holati talablarga javob beradi. Maktabda 5 nafar jismoniy tarbiya fani o‘qitiuvchisi faoliyat olib bormoqda. Olti yo‘nalishda: futbol, voleybol, basketbol, qo‘l to‘pi, shaxmat-shashka, stol tennisi to‘garaklariga o‘smir-yoshlar qamrab olingan. 

🔹Mahalla hududidagi 37-umumiy o‘rta ta’lim maktabida tashkil etilgan kutubxona faoliyati o‘rganildi. Kutubxona fondida 1175 ta badiiy kitoblar bo‘lib, kitobxonlar soni 817 nafarni tashkil etadi. 

🔹Hokim yordamchisi Lazizjon Tojiboev tomonidan oilaviy tadbirkorlikni yo‘lga qo‘yish maqsadida 17 nafar aholi vakiliga 2026-yilning birinchi choragida imtiyozli kreditlar ajratilishiga amaliy yordam berilgan bo‘lsa, ularning 6 nafari kambag‘al oilalar ro‘yxatida turuvchilardir. To‘rtta kambag‘al oilaga ssuda berilgan. Subsidiya mablag‘lari evaziga ikkita kambag‘allik reestrida turuvchi oilaga mevali ko‘chatlar olib berilgan. Ikkita kambag‘al oila a’zolari kasb-hunarga bepul o‘qitilgan. Ikkita kambag‘al oila farzandlari bepul xorijiy tillar to‘garaklariga jalb qilingan. Amaliy ishlar natijasida beshta kambag‘al oila o‘z tadbirkorlik faoliyatini yo‘lga qo‘ygan. Chorvachilik yo‘nalishida bir fuqaroga yuridik firma tashkil etish uchun kredit hujjatlari rasmiylashtirilgan. 

🔹Mahalladagi ijtimoiy xodim Dilnavoz Jamolova tomonidan kambag‘al oilalar ro‘yxatiga kiritilgan 10 ta oilaga 12 turdagi oziq-ovqat mahsulotlari
yetkazib berilgan. 8 ta oila a’zolari kiym-kechak bilan ta’minlangan. 53 ta ehtiyojmand oilaga “Vaqf” fondidan moddiy yordamlar berilgani, homiylar tomonidan 106 ta oilaga oziq-ovqat mahsulotlari tarqatilgani o‘rganishlar davomida aniqlandi. 

🔹Mahalla xotin-qizlar faoli Xamidaxon Yo‘lchiyeva tomonidan ajrim yoqasidagi uchta oila yarashtirilgan. 

🔹Mahalla fuqarolar yig‘ini - yashil hudud bo‘lib, jinoyatchilikni oldini olish bo‘yicha olib borilayotgan profilaktika ishlari o‘rganilganda 2025-yil va
2026 yil uch oy davomida umuman jinoyat sodir etilmaganligi ma’lum bo‘ldi. 

🔹Hududning drayver tarmog‘i hisoblangan chorvachilik va trikotaj mahsulotlari ishlab chiqarish faoliyatidan topilgan daromadlar
aholi va oilalar farovonligini ta’minlamoqda. 

🔹Mahalla aholisining chiqindilarni o‘z vaqtida olib ketilmayotganligi yuzasidan murojaatlari o‘rganildi. 

🔹Murojaatlar: hududdagi hozirda qamrovi 620 o‘rinli bo‘lgan 37- umumiy o‘rta ta’lim maktabi binosi 1989-yilda qurilgani, 2025-2026-o‘quv yilida 1040 nafar o‘quvchi ikki almashinuvda ta’lim olayotgani, maktabda qo‘shimcha to‘garaklar faoliyatini yo‘lga qo‘yish uchun sharoit yetarli emasligi, o‘quv muassasasi qo‘shimcha binoga qurilishiga muhtojligi aniqlandi. 

🔹Puchug‘oy qishlog‘ida yashovchi fuqarolar murojaatlari yuzasidan tegishli rahbarlar va mutasaddi tashkilotlarga deputat so‘rovlari yuboriladigan bo‘ldi. 

  Xalq deputatlari Uchko‘prik tumani Kengashi